ئێران ده‌یه‌وێ ناوچه‌ی تامپۆن له سنووری کوردستان پێکبێنێ و یه‌کێتی نیشتمانی ئاگاداری پیلانه‌که‌یه

 مه‌سعوود حه‌قیقه‌ت فه‌ر(مه‌ناف): ئامانجی ئێران له هێرش بۆ سه‌ر کوردستان ته‌نیا به‌ره‌نگاری گه‌ریلاکانی پژاک و پ.ک.ک نیه، به‌ڵکو ئێران ده‌یه‌وێ به‌م بیانوویه‌ دامه‌زراندنی بنکه‌ی سه‌ربازی، مینڕێژی له سنوور، ره‌وانه‌کردنی تانک و زرێپۆش و هێزی سه‌ربازی و تۆپ و کاتیۆشا و چه‌کی قورس، پێش به هێرشێکی چاوه‌ڕ‌وانکراوی ئه‌مریکا له کوردستانه‌وه بگرێت و هه‌روه‌ها هه‌رێمێکی ئاسایشی پارێزراو (تامپۆن) پێکبێنێت و یه‌کێتی نیشتمانی کوردستانیش له‌م پیلانه ئاگاداره.

کوردستان مه‌زنترین گرتووخانه‌ی ڕۆژنامه‌وانان له جیهانه

ئاماده‌کردنی؛ مه‌سعوود حه‌قیقه‌ت فه‌ر
به پێی ڕاپۆرتی ڕێکخراوی هه‌واڵنێرانی بێ سنوور، ڕۆژهه‌ڵاتی کوردستان، به 5 ڕۆژنامه‌وانی گیراو و ئێران به گشتی به 11 ڕۆژنامه‌وانی گیراو، مه‌زنترین گرتووخانه‌ی رۆژنامه‌وانان له جیهانه.

سی‌ئای‌ئه‌ی: خه‌ریکه یه‌کگرتوویی له‌ناو کورد ساز ده‌بێت، ئه‌گه‌ر سه‌ربه‌خۆییان بوێت، ئاسانکاریان بۆ ده‌که‌ین

با "عه‌بدوڵا گوڵ"، کاندیدای پارتی داد و گه‌شه‌ی ئه‌ردۆغان، باشتر بناسین!

مه‌سعوود حه‌قیقه‌ت فه‌ر(مه‌ناف)

عه‌بدوڵا گوڵ، ڕۆژی 24ی ئه‌پریل له لایه‌ن ره‌جه‌ب ته‌یب ئه‌ردۆغان، سه‌رۆک وه‌زیری تورکیا وه‌کو نوێنه‌ره‌ی پارتی دادو گه‌شه‌ی ئیسلامی  AKP، وه‌کو کاندیدایی پارته‌که بۆ سه‌رۆکایه‌تی کۆماری تورکیا هه‌ڵبژێردرا. لێره‌دا کورته‌یه‌ک له ژیانی سیاسی ناوبراو دێته به‌ر باس.

تورکیا 11مین سه‌رکۆماری هه‌ڵده‌بژێرێ

مه‌سعوود حه‌قیقه‌ت فه‌ر(مه‌ناف)

سه‌رۆکایه‌تی کۆمار له تورکیا هه‌رچه‌ند له لایه‌ن که‌سانێکه‌وه، به پۆستێکی ته‌شریفاتی داده‌نرێ، به‌ڵام له واقیع دا، به‌رده‌وام لایه‌نێکی کۆنترۆڵی باری سیاسی ئه‌م وڵاته بووه و کۆشکی کۆماری به پارێزڤانی سیسته‌می لاییک و ئایدیالۆزی که‌ماڵیسم، ناسراوه، به‌ڵام ئه‌مجاره به‌ ئه‌گه‌ری داگیرکرانی ئه‌م پۆسته له لایه‌ن ئه‌ردۆغان و پارته ئیسلامگه‌راکه‌یه‌وه، به بڕوایی تاقمێک پاشگه‌ردانی و قه‌یرانێکی سیسته‌ماتیک تووشی تورکیا ده‌‌کات.

ڕۆژنامه‌وانێکی ئه‌مریکی: ئه‌مریکا پشتیوانی له پژاک و مجاهدینی خه‌ڵق ده‌کات

ئاماده کردنی:مه‌سعوود حه‌قیقه‌ت فه‌ر"مه‌ناف"

"ریس ئه‌ڵڕیش" رۆژنامه‌وانی ئه‌مریکی و نووسه‌ری کتێبی "ئامانج گرتنی عێراق"، که له‌م دوایانه‌ دا سه‌ردانی باشووری کوردستان و ئێرانیشی کردووه، له وتووێژێک دا باسی له یارمه‌تی و پشتیوانی ئه‌مریکا بۆ پارته کورده چه‌کداره‌کانی ئێرانی کردووه. ناوبراو ده ڵێ که ئه‌مریکا پشتیوانی له پژاک و موجاهیدینی خه‌ڵق ده‌کات و حدکا و کۆمه‌ڵه‌ش، ڕوانگه‌ی جیاوازیان هه‌یه له هه‌مبه‌ر، هێرشی ئه‌مریکا بۆ ئێران.

به‌شی فارسی رادیۆ ئه‌مریکا: تریبونێک بۆ دادگایی بیرۆکه‌ی سه‌ربه‌خۆیی کورده‌کان

نووسینی: مه‌سعوود حه‌قیقه‌ت فه‌ر(مه‌ناف)

پێشکه‌شکه‌ری پڕۆگرامه‌که: به‌ڕێز... پێم خۆشه به درووستی جوابی ئه‌م پرسیاره‌م بده‌یه‌وه. ئایا کورده‌کان ده‌یانه‌وێ ئێران پارچه پارچه بکه‌ن و جیا ببنه‌وه؟

میوانی کورد: نه‌وه‌ڵلاهی. نه به‌خودای. کێ وه‌ده‌ڵێ. حه. ئێمه له هه‌موو که‌س ئێرانی ترین. سوێن ده‌خۆم.

ئه‌وه دیالۆگێکی هه‌میشه‌یی ڕادیۆ ده‌نگی ئه‌مریکایه، کاتێک چالاکێکی سیاسی و مه‌ده‌نی کورد میوانی پڕۆگرامه‌که‌ی ده‌بێت.

به‌رپرسی ئاژانسی مانشێت: له کوردستان هه‌واڵ فه‌رامۆش کراوه

چاوپێکه‌وتنی هه‌فته‌نامه‌ی جه‌ماوه‌ر، چاپی باشووری کوردستان، له‌گه‌ڵ "مه‌سعوود حه‌قیقه‌ت فه‌ر"، به‌رپرسی ئاژانسی ده‌نگوباسی مانشێت.

"مه‌سعوود حه‌قیقه‌ت فه‌ر" ناسراو به مه‌ناف، له سالی 1982 له شاری پیرانشاری ڕۆژهه‌ڵاتی کوردستان له دایک بووه و خوێندکاری کۆلێژی ئابووری له زانکۆی زه‌نجان بووه، له زمانه‌کانی کوردی به زاراوه‌کانیه‌وه و فارسی و تورکی شاره‌زایی ته‌واوی هه‌یه و ئینگلیزیش تا ڕاده‌یه‌کی باش ده‌زانێت و ئێستاش له ده‌ره‌وه‌ی کوردستان به ته‌نیایی، ئاژانسێکی هه‌والی، به ناوی "ئاژانسی ده‌نگوباسی مانشێت" داناوه  که به چالاکترین وێبلاگی کوردی له بواری هه‌واڵ داده‌نرێت.

ڕێکخراوی سه‌نعه‌تکار ر و پیشه‌سازانی تورکیا پێشنیاری گۆرینی ده‌ستووری ئه‌م وڵاته ده‌کات

ئاماده‌کردنی: مه‌سعوود حه‌قیقه‌ت فه‌ر

تایبه‌ت: ڕێکخراوی "سه‌نعه‌تکاران و پیشه‌سازانی تورک" ناسراو به "TUSIAD" که به‌شێکی زۆر له ئابووری تورکیایی له ده‌ست دایه و شوێنی زۆری له سه‌ر ناوه‌نده‌کانی بڕیار و سیاسه‌تگوزاری ئه‌م وڵاته‌ هه‌یه، پێشنیاری کرد که یاسایی بنه‌ڕه‌تی بگۆڕێ و ده‌ستورێکی دێموکراتیک تر و سه‌ڕده‌میانه تر، بنووسرێته‌وه.

ئه‌رته‌شی تورکیا خۆ بۆ هێرش بۆسه‌ر باشووری کوردستان ئاماده ده‌کات

نووسینی: مه‌سعوود حه‌قیقه‌ت فه‌ر

ڕووداوه‌کانی چه‌ند رۆژی دوایی پانتایی سیاسی تورکیا و زانیاریه نهێنیه‌کان، به‌هێزتر بوونی ئه‌گه‌ری ئه‌نجامی ئۆپێراسیۆنێکی سه‌ربازی له لایه‌ن ئه‌رته‌شی تورکیایی بۆ سه‌ر باشووری کوردستان ئاشکرا کرد و به‌م شێوه هیواکانی شکڵ‌گرتوو بۆ  گه‌یشتن به پلانێکی چاره‌سه‌ری له قۆناخی ئاگربه‌ست دا کۆتایی پێهێنا و دیسان ئه‌رته‌ش و "لایه‌نی سه‌ربازی" له تورکیا باڵاده‌ستی خۆی به سه‌ر "باڵی سیاسی" دا نیشاندا و به‌م پێیه بڕیاره که له کۆتایه‌کانی مانگی مارت (سه‌ره‌تایی به‌هار)، ئۆپێراسیۆنێکی هه‌مه لایه‌نه به‌ بیانووی پ.ک.ک به‌رانبه‌ر باشووری کوردستان ئه‌نجام بگرێت.

پیرۆزبایی ساڵی تازه و جه‌ژنی قوربان

ساڵی تازه‌ی زایینی، جه‌ژنی قوربان، له ئێوه‌ی ئازیز پیرۆز بێت.به‌م بۆنه‌وه پیرۆزبایی گه‌رم له بینه‌ران و هاوڕێیان و گه‌لی کورد ده‌که‌م و هاتنی ساڵی نوێی زایینی و جه‌ژنی قوربانیشتان لێ پیرۆز ده‌که‌م. هیوادارم ساڵی 2007 سالێک بێت پڕ له خۆشی و سه‌رکه‌وتن و ده‌سکه‌وتی نه‌ته‌وه‌یی مه‌زن بۆ گه‌لی کورد و ئاشتی و ئازادی و یه‌کگرتووی بۆ کوردستان و گشت جیهان.

ئێکۆنۆمیست: ئه‌گه‌ری ئه‌وه هه‌یه که ئه‌رته‌شی تورکیا له وه‌رزی به‌هار ئۆپێراسیۆنی ده‌ره‌وی سنوور بکات

ئاماده کردنی: مه‌سعوود حه‌قیقه‌ت فه‌ر

هه‌فته‌نامه‌ی ناوداری به‌ریتانی " ئێکۆنۆمیست" له دواترین ژماره‌ی خۆیدا، باسی له ئه‌گه‌ری هێرشێکی سه‌ربازی ئه‌رته‌شی تورکیا له وه‌رزی به‌هار دا کردووه بۆ سه‌ر باشووری کوردستان.

ئه‌نجامه‌کانی کۆنفرانسی زمانی کوردی له‌ ئامه‌د، و له ڕۆژی کۆتایی دا ڕاگه‌یێدرا
ئاماده کردنی: مه‌سعوود حه‌قیقه‌ت فه‌ر
کۆنفرانسی زمان و په‌روه‌رده‌ی کوردی که له په‌راوێزی چواره‌مین ڕۆژانی ئه‌ده‌‌بی کوردی له ئامه‌دی باکووری کوردستان، به‌ڕێوه‌چوو پاش دوو ڕۆژ کۆتایی به کاره‌کانی خۆی هێنا.
ئه‌م کۆنفراسنه که له لایه‌ن شاره‌داری مه‌زنی ئامه‌د و ئه‌نستیتۆی کوردی ئه‌سته‌نبوڵه‌وه ئۆرگانیزه و پشتیوانی کرابوو...

بوله‌نت ئێجێویت کێ بوو؟
(کورته‌یه‌ک له ژیانی "بوڵه‌نت ئێجێویت")
ئاماده‌کردنی: مه‌سعوود حه‌قیقه‌ت فه‌ر
"بوله‌نت ئێجێویت‌" سه‌رۆك وه‌زیرانی پێشووی توركیا که کاتژمێر 22:40ی دوێنێ شه‌وی یه‌کشه‌ممه 5ی نوه‌مبه‌ر، به‌ هۆی نه‌خۆشی مێشك ،دوای شه‌ش مانگ له‌ بێهۆشی(کۆما) له‌ ته‌مه‌نی 81 ساڵیدا كۆچی دوایی كرد.
بوله‌نت ئێجێویت‌ له‌ساڵی 1974 بۆ یه‌كه‌م جار پۆستی سه‌رۆك وه‌زیرانی وه‌رگرت و له‌ هه‌مان ساڵیشدا بریاری داگیركردنی قوبرسی دا به‌ بیانووی پاراستنی كه‌مینه‌ی قوبرسی توركی له‌ دورگه‌كه‌، كه‌ بووه‌ هۆی دابه‌شكردنی دورگه‌كه‌ و تا ئێستاش داگیركردنه‌كه‌ ماوه‌ته‌وه‌.

توركیا و فه‌ره‌نسا له‌سه‌ر ژینۆسایدی ئه‌رمه‌نیه‌كان تووشی قه‌یرانی دیپلۆماتیكن 

نووسینی: مه‌سعود حه‌قیقه‌ت فه‌ر

پاش ئه‌وه‌ێ كه حكومه‌تی فه‌ره‌نسا بڕیاری دا له په‌رله‌مانی ئه‌م وڵاته یاسایه‌ك ده‌ربكات كه تێیدا وێڕای به فه‌رمی ناسینی كۆمه‌ڵكوژی ئه‌رمه‌نیه‌كان له سه‌ره‌تایی سه‌ده‌ی بیسته‌مدا به ده‌ستی ئیمپڕاتۆری عوسمانی، كه‌سانێك كه ئه‌م ڕووداوه مێژوئیه ئینكار بكه‌ن سزا بدرێن.

ژینۆسایدی ئه‌رمه‌نیه‌كان له لایه‌ن توركیاوه ئینكار ده‌كرێ و به ناڕاست ده‌زاندرێ و حكومه‌تی ئه‌م وڵاته له‌م بڕوایه‌دایه كه ئاماری كوژراوه‌كانی كۆمه‌ڵكوژی ئه‌رمه‌نیه‌كان ته‌نیا ده‌گاته 100 تا 200 هه‌زاركه‌س و ئه‌ویش له كاتی شه‌ڕی ناوخۆیی دابووه نه كوشتاری و قه‌تڵوعامی سیاسته‌ماتیك كه ناوی ژینۆسایدی لێبندرێ.

ڕاپۆرته هه‌واڵ،  باکووری کوردستان

ئاماده کردنی:مه‌سـعود حه‌قیقه‌ت فه‌ر

پاش ساڵه‌ها نقاش و گفتگۆ و دژایه‌تی، له سه‌ر چاکردنی یا نه‌کردنی به‌نداوێکی مه‌زن له سه‌ڕ ڕووباری دیجله له باکووری کورستان  که به‌شێکی گرینگ له مێژووی کوردان ده‌خاته ژێر ئاو، سه‌ره‌نجام کوڵینگی ده‌سپێکردنی به به‌شداری "ڕ‌جه‌ب ته‌یب ئه‌ردۆغان" سه‌رۆک وه‌زیرانی تورکیا له زه‌وی درا.

ئه‌م به‌نداوه مه‌زنه که به به‌شێک له پڕۆژه‌‌ی به قسه‌ بووژاندنه‌وه‌ی ئابووری(باشووری ڕۆژهه‌ڵاتی تورکیا GAP )...

ڕاپۆرتی کۆنسه‌ی ئه‌وروپا سه باره‌ت به دۆزی کورد و پێشنیاره‌کانی لۆڕد جانستۆن

ئاماده‌کردنی:مه‌سعود حه‌قیقه‌ت فه‌ر

سه‌رچاوه:ڕێنێساس

"لۆڕد ڕاسل جانستۆن"، سه‌رۆکی سکۆتله‌ندی پێشووی مه‌جلیسی په‌ڕله‌مانتارانی کۆنسه‌ی ئه‌وروپا، وێڕای ئاماده کردنی ڕاپۆرت سه‌باره‌ت به مێژوو و ژیانی کوردان، باسی له هه‌نگاو گه‌لی پێویست کرد که تورکیا ده‌بی بیهاوێژێ.

له ڕاپۆرتی مه‌جلیسی په‌رله‌مانتارانی کۆنسه‌ی ئه‌وروپا ، کوردان وه‌کو گه‌وره‌ترین گه‌لی بێ ده‌وڵه‌ت له دونیا دا ناوبراون و هه‌ر له‌م ڕاپۆرته ...